تازہ ترین
  • بریکنگ :- ملک بھرمیں کوروناسےجاں بحق افرادکی تعداد 29 ہزار 219 ہوگئی
  • بریکنگ :- 24گھنٹےکےدوران 70 ہزار 389 کوروناٹیسٹ کیےگئے،این سی اوسی
  • بریکنگ :- 24گھنٹےمیں کوروناکےمزید7 ہزار 963 کیس رپورٹ،این سی اوسی
  • بریکنگ :- ملک بھرمیں 24 گھنٹےکےدوران کوروناسےمزید 27 اموات
  • بریکنگ :- ملک میں کورونامثبت کیسزکی شرح 11.31 فیصدرہی،این سی اوسی

کشمیر کے مستقبل کے فیصلے کا حق صرف کشمیری عوام کو حاصل ہے، گاندھی کا 1947 میں تاریخی بیان

Last Updated On 07 August,2020 10:45 am

لاہور: (دنیا نیوز) بھارت کے رہنما گاندھی نے کہا تھا کہ جموں وکشمیر کے مستقبل کے فیصلے کا حق صرف کشمیری عوام ہی کو ہے۔ تاریخی حوالے اس کی شہادت دیتے ہیں لیکن بھارت نے کشمیری عوام کی رائے کا احترام کرنے کی بجائے ان کے بنیادی انسانی حقوق ہی چھین کر ان پر ظلم کے پہاڑ توڑ دیئے اور وادی کو دنیا کی سب سے بڑی جیل میں تبدیل کر دیا۔

مقبوضہ کشمیر پر بھارت کے اپنے ماضی کے رہنماؤں نے بھی کشمیریوں کے حق کی بات کی ہے، اگست 1947 میں اس وقت کے بڑے اخبارت ڈان، ایسٹرن ٹائمز اور دی ہندستان ٹائمز اس کے گواہ ہیں۔

6 اگست 1947 کو گاندھی نے خطاب میں کہا کہ جموں اور کشمیر میں عوام کی رائے ہی سب سے بڑا قانون ہے، انہوں نے یہ بھی بتایا کہ مہاراجہ نے بھی اس حقیقیت کو بغیر کسی تامل کے تسلیم کیا ہے۔

بھارت کے پہلے وزیراعظم جواہر لال نہرو نے بھی سری نگر کے لال چوک میں کشمیریوں سے استصواب رائے کا وعدہ کیا لیکن بھارت نے کشمیری عوام کی رائے کا احترام کرنے کے بجائے ان پر ظلم اور بریرت کی تمام حدیں پار کر دیں۔

قابض فوج نے مقبوضہ وادی میں ایک لاکھ تک کشمیریوں کو شہید کر دیا۔ ان سے اظہار رائے کی آزادی، بنیادی انسانی حقوق، صحت اور روزگار کے حق بھی چھین لیے گئے۔ وادی میں موبائل اور انٹرنیٹ سروس بھی بند ہے۔ غاصب فوج نے کشمیری نوجوانوں کی نسلی کشی کا سلسلہ بھی جاری رکھا ہوا ہے۔