تازہ ترین
  • بریکنگ :- منی بجٹ تیارہوچکاہے، حکومت کہےگی توپیش کردیں گے،چیئرمین ایف بی آر
  • بریکنگ :- سیلز ٹیکس کی چھوٹ واپس لی جارہی ہے ، چیئرمین ایف بی آر
  • بریکنگ :- لگژری اشیا کی درآمدات پر ٹیکس لگائے جائیں گے، چیئرمین ایف بی آر
  • بریکنگ :- درآمدی گاڑیوں پر اضافی ٹیکس کی سفارش ہے، چیئرمین ایف بی آر
  • بریکنگ :- کھانے پینے کی اشیا اورادویات پر ٹیکس چھوٹ برقراررہےگی، چیئرمین ایف بی آر
  • بریکنگ :- چیئرمین ایف بی آر ڈاکٹر اشفاق احمد کی صحافیوں سے غیر رسمی گفتگو

کورونا وائرس کی ویکسین سب کے لیے دستیاب ہونی چاہیے، سربراہ اقوام متحدہ

Published On 22 November,2020 05:50 pm

اقوام متحدہ: (دنیا نیوز) اقوام متحدہ کے سیکریٹری جنرل انتونیو گُوتیرش نے تمام لوگوں کی دسترس میں آنے والی کورونا وائرس ویکسین کی تیاری کی اقوام متحدہ کی زیر قیادت کوششوں کے لیے بین الاقوامی برادری سے مدد کی درخواست کی ہے۔

انہوں نے نیویارک میں واقع اقوام متحدہ کے صدر دفاتر میں ایک نیوز کانفرنس کی۔ یہ نیوز کانفرنس گروپ آف 20 معیشتوں کے سربراہی اجلاس سے قبل کی گئی۔

انہوں نے کہا کہ کووڈ 19 ویکسینوں سے متعلق حالیہ بڑی پیشرفت امید کی کرن ہے لیکن یہ کہ اس کرن کو ہر کسی تک پہنچنے کی ضرورت ہے۔ اقوام متحدہ کے سربراہ نے عالمی ادارہ صحت اور دیگر فریقوں کی زیرِ قیادت ایک بین الاقوامی اسکیم کا ذکر کیا جس کا مقصد کورونا وائرس کی ویکسینوں تک مساوی بنیادوں پر رسائی یقینی بنانا ہے۔
انہوں نے تمام ممالک پر زور دیا کہ وہ اس سکیم کی مکمل حمایت کریں۔ بظاہر انکا اشارہ امریکا اور روس کی جانب تھا جو ابھی تک اس اسکیم میں شامل نہیں ہوئے ہیں۔