کابل: (ویب ڈیسک) افغان طالبان کے بانی ملا محمد عمر کی زیر استعمال گاڑی جسے چھپانے کے غرض سے مٹی میں دبادیا گیا تھا اسے نکال لیا گیا ہے۔
واضح رہے جولائی 2015 میں افغان طالبان کی جانب سے تصدیق کی گئی تھی کہ ملا عمر دو سال پہلے افغانستان میں طبعی موت مرچکے ہیں اور ان کی جگہ ملا اختر منصور کو افغان طالبان کا نیا سربراہ بنادیا گیا ہے۔
تاہم ملا اختر منصور مئی 2016 میں پاکستان کے صوبہ بلوچستان میں ایک امریکی ڈرون حملے میں مارے گئے تھے اور ان کی جگہ طالبان کے موجودہ امیر ہبت اللہ اخندزادہ کو افغان طالبان کا نیا سربراہ بنایا گیا تھا۔
افغانستان میں طالبان حکومت سے منسلک ایک عہدیدار محمد جلال نے سماجی رابطے کی ویب سائٹ ٹویٹر پر 4 تصاویر شیئر کیں اور بتایا کہ یہ گاڑی ان کے بانی رہنما ملا عمر کے زیر استعمال رہی ہے۔
Toyota Wagon belonging to the founder of the Islamic Emirate of Afghanistan, late Mullah Muhammad Umar Mujahid has been dug up and will be cleaned. This Toyota wagon was used by the late Amir to travel from Kandahar to Zabul province during the start of US led invasion. pic.twitter.com/rvEPuvrpxD
— Muhammad Jalal (@MJalal313) July 5, 2022
انہوں نے اپنی ٹویٹ میں لکھا کہ ٹویوٹا ویگن جو امارات اسلامیہ افغانستان کے بانی مرحوم ملا محمد مجاہد کی تھی اسے (زمین) کھود کر نکال لیا گیا ہے اور اسے صاف کیا جائے گا۔ یہ ٹویوٹا ویگن مرحوم امیر امریکی حملے کی شروعات کے دوران قندہار سے زابل کے سفر کے لیے استعمال کیا کرتے تھے۔
