لندن: (ویب ڈیسک) لندن کے ہیتھرو ایئرپورٹ کو آگ لگنے کے واقعہ کے بعد جزوی طور پر دوبارہ کھول دیا گیا۔
برطانوی میڈیا کے مطابق اس اہم مصروف ترین ایئرپورٹ کی بندش سے سفری طور پر سخت خلل پڑا ہے، ہوائی اڈے کے آج مکمل طور پر فعال ہونے کا امکان ہے تاہم ایئر لائنز حکام کا کہنا ہے کہ آئندہ دنوں میں بندش کا بڑا اثر پڑے گا۔
ڈاؤننگ سٹریٹ کی جانب سے بتایا گیا ہے کہ لندن کے ہیتھرو ایئرپورٹ کے ایک الیکٹریکل سب اسٹیشن میں آگ لگنے سے ایک ہزار 350 سے زائد پروازیں بند ہوئیں اور لاکھوں مسافروں کے سفر میں خلل پڑا۔
حکام کے مطابق اس منفرد نوعیت کے واقعہ کی تحقیقات انسداد دہشت گردی کی پولیس کررہی ہے۔
