ریاض: (ویب ڈیسک) سعودی عرب کے پہلے قانون دان ڈاکٹر مطلب النفیسہ انتقال کر گئے۔
ایوان شاہی کے مطابق ڈاکٹر مطلب النفیسہ کی نماز جنازہ جمعے کو بعد نماز عصر دارالحکومت ریاض کی شاہ خالد مسجد میں ادا کی گئی، ڈاکٹر مطلب کو سعودی کابینہ میں قانونی مشیر مقرر کیا گیا تھا۔
انہوں نے کئی سرکاری عہدوں پر بھی کام کیا جن میں وہ بطور وزیرِ مملکت اور کابینہ کے رکن بھی شامل رہے۔
ڈاکٹر مطلب النفیسہ 1937 میں القصیم صوبے میں پیدا ہوئے تھے، 1962 میں انہوں نے قاہرہ یونیورسٹی سے قانون میں گریجویشن مکمل کی اور اس کے بعد انہیں سکالر شپ پر امریکا بھیج دیا گیا جہاں انہوں نے ہارورڈ یونیورسٹی سے قانون میں ماسٹرز اور ڈاکٹریٹ کی ڈگری حاصل کی، وہ 1971 سے 1975 تک امریکا میں زیرِ تعلیم رہے۔
