لندن: (دنیا نیوز) لندن کے میئر صادق خان نے دارالحکومت میں علاقائی پولیسنگ کو مضبوط بنانے کے لیے 1.16 بلین پاؤنڈز کی تاریخ ساز فنڈنگ کا اعلان کر دیا۔
اس فنڈنگ سے 935 نیبرہڈ پولیس افسران کے عہدے محفوظ ہو گئے ہیں جو پہلے خطرے میں تھے۔
علاوہ ازیں ماہرین کی ٹیموں جیسے فرانزک اور کتوں کے سپورٹ یونٹ میں کی جانے والی ممکنہ کٹوتیوں کو بھی کم کردیا گیا ہے۔
میئر صادق خان نے اپنی مدت کے دوران اس حوالے سے کئی کامیابیوں کو سمیٹا ہے، انہوں نے سٹی ہال کی طرف سے میٹ پولیس کو ملنے والی امداد کو بھی دوگنا کر دیا۔
میئر لندن نے واضح کیا ہے کہ مذکورہ فنڈنگ پولیس افسران، عملہ اور ضروری ساز و سامان پر خرچ کی جائے گی تاکہ پولیس اپنے فرائض منصبی بہتر طور پر انجام دے سکے۔
