کابل: (ویب ڈیسک) افغان طالبان نے 4 مجرموں کو سرعام موت کی سزا دیدی۔
عالمی میڈیا کی رپورٹ کے کے مطابق مجرموں کو 3 مختلف سٹیڈیمز میں سرعام موت کی سزا دی، عدالت کے حکم پر سزائے موت پر عمل درآمد کے لئے مقتولین کے لواحقین نے مجرموں کو گولیاں ماریں۔
رپورٹ میں مزید بتایا گیا ہے کہ افغانستان میں ایک ہی دن میں سزائے موت دیئے جانے کا یہ سب سے بڑا واقعہ ہے، اس سے قبل ایک دن میں اتنے افراد کو سزائے موت نہیں دی گئی تھی۔
طالبان کے 2021ء میں اقتدار میں آنے کے بعد سے اب تک سرعام سزائے موت پانے والوں کی تعداد 10 ہوگئی ہے، ایمنسٹی انٹرنیشنل نے سرعام موت کی سزاؤں کو روکنے کا مطالبہ کرتے ہوئے انہیں انسانی وقار کی سنگین خلاف ورزی قرار دیا۔
طالبان کا کہنا ہے کہ یہ سزائیں شریعت اور علاقائی رسم و رواج کے عین مطابق ہیں جو جرائم پر قابو پانے کے لئے کارگر بھی ثابت ہوئی ہیں۔
