ریاض: (ویب ڈیسک) امریکی صدر ڈونلڈ ٹرمپ نے شام کے عبوری صدر احمد الشراع سے ملاقات کی جس کے بعد امریکی صدر ڈونلڈ ٹرمپ 25 سال بعد کسی شامی رہنما سے ملاقات کرنے والے پہلے امریکی صدر بن گئے۔
میڈیا رپورٹ کے مطابق یہ ملاقات شام پرعائد پابندیوں میں نرمی کے اعلان کے بعد ہوئی، امریکی صدر اور شام کے عبوری صدر کی ملاقات سعودی دارالحکومت ریاض میں خلیجی رہنماؤں کے اجلاس سے قبل ہوئی، وائٹ ہاؤس کے ایک اہلکار نے بتایا کہ دونوں رہنماؤں نے خلیجی رہنماؤں کے اجلاس سے قبل مختصر ملاقات کی۔
واضح رہے کہ امریکی صدر ڈونلڈ ٹرمپ نے منگل کو اعلان کیا تھا کہ وہ شام پر عائد پابندیاں ختم کر رہے ہیں، ٹرمپ نے یہ اعلان ایسے وقت میں کیا ہے جب ترکیہ اور سعودی عرب کے حکام نے احمد الشرع کی حمایت کرتے ہوئے پابندیوں کے خاتمے کا مطالبہ کیا تھا۔
