اسرائیل کا ایران پر ایک اور حملہ، ہمدان کے نوجہ ایئربیس کو ہدف بنایا

Published On 13 June,2025 08:24 pm
Advertisement
0 seconds of 0 secondsVolume 0%
Press shift question mark to access a list of keyboard shortcuts
00:00
00:00
00:00
 

تہران: (دنیا نیوز، ویب ڈیسک) اسرائیل کی فضائیہ نے ایران پر ایک بار پھر فضائی حملے کیے ہیں اور ہمدان میں واقع نوجہ ایئربیس کو نشانہ بنایا ہے۔

غیر ملکی خبر رساں ایجنسی نے ایران کی فارس نیوز ایجنسی کے حوالے سے بتایا کہ اسرائیلی فضائیہ نے ایران کے مغربی شہر ہمدان میں واقع نوجہ ایئربیس کو ایک گھنٹے کے دوران دو بار حملوں کا نشانہ بنایا ہے۔

خبر ایجنسی کے مطابق حملے میں ہونیوالے جانی و مالی نقصان کی تفصیلات فوری طور پر دستیاب نہیں ہو سکیں۔

اس سے قبل فارس نیوز ایجنسی کے حوالے سے عالمی میڈیا نے رپورٹ کیا تھا کہ اسرائیل کی جانب سے فضائی حملوں میں کم از کم 78 افراد شہید اور 329 دیگر زخمی ہوئے ہیں۔

خیال رہے کہ آج صبح اسرائیل نے ایران پر بڑا حملہ کیا جس کے نتیجے میں ایرانی مسلح افواج کے سربراہ میجر جنرل محمد باقری اور ایرانی پاسداران انقلاب کے سربراہ میجر جنرل حسین سلامی سمیت 4 اعلیٰ فوجی افسران اور 6 جوہری سائنسدان شہید ہوگئے۔

اسرائیلی حملوں پر اپنا ردعمل دیتے ہوئے ایران کے سپریم لیڈر آیت اللہ علی خامنہ ای نے خبردار کیا کہ اسرائیلی حکومت نے ایران پر رات کے وقت کیے گئے حملوں سے اپنی تلخ اور تکلیف دہ تقدیر رقم کر دی ہے۔

اسرائیلی حملے کے بعد ایرانی صدر مسعود پزشکیان نے ردعمل دیتے ہوئے کہا ہے کہ اسرائیل اپنی احمقانہ اور سفاکانہ جارحیت پر پچھتائے گا، اسے بھرپور جواب دیں گے۔




Recommended Articles