پاکستان کے ہاتھوں عبرتناک شکست: بھارت کا مگ 21 فائٹر طیاریوں سے جان چھڑانے کا فیصلہ

Published On 22 July,2025 09:05 pm

حالیہ جنگ میں پاکستان کے ہاتھوں عبرتناک شکست کے بعد بھارت نے اپنے مگ21 فائٹر طیاروں سے جان چھڑانے کا فیصلہ کرلیا ہے۔

بھارتی دفاعی حکام نے منگل 22 جولائی جاری بیان میں بتایا کہ بھارتی فضائیہ 62 سال کی سروس کے بعد ستمبر 2025 تک اپنے مگ 21 لڑاکا جیٹ طیارے کو مرحلہ وار ختم کر دے گی، انھیں تیجس جنگی طیارے (ایل سی اے) مارک 1A سے تبدیل کیا جائے گا۔

حکام نے بتایا کہ مگ21 طیارے کو آپریٹ کرنے والے سکواڈرن اس وقت راجستھان کے نل ایئر فورس بیس میں تعینات ہیں، ایک دفاعی اہلکار نے کہا کہ بھارتی فضائیہ اس سال ستمبر تک مگ 21 لڑاکا طیارہ کو مرحلہ وار ہٹاے دے گی انہیں مزید استعمال نہیں کیا جائے گا۔

یہ بات قبل ذکر ہے کہ مگ21 ہندوستان کا پہلا سپرسونک جیٹ طیارہ ہے جسے سابق سوویت یونین کے ساتھ ایک معاہدے کے تحت 1963 میں فضائیہ میں شامل کیا گیا تھا، اس طیارے کو 1965 کی پاک بھارت جنگ میں بھی استمعال کیا گیا تھا۔

پاکستان کے ہاتھوں حالیہ جنگ میں بھارت کے تقریباً 5 سے 7 طیارے تباہ ہوئے تھے جن میں رافیل سمیت مگ 29 طیارے بھی شامل تھے، بھارت نے پاکستان کے ہاتھوں ہزیمت اٹھانے کے بعد کئی بڑے دفاعی فیصلے کیے ہیں۔