غزہ: (دنیا نیوز) حماس کا کہنا ہے کہ اسرائیل کی جانب سے غزہ جنگ بندی معاہدے کی خلاف ورزیاں جاری ہیں۔
ترجمان حماس حازم قاسم نے بتایا کہ اسرائیل نے جنگ بندی کے بعد اب تک 90 فلسطینیوں کوشہید کیا، خلاف ورزیوں میں رفح بارڈرکی بندش اورامداد کی فراہمی روکنا شامل ہے، غزہ امن معاہدے کی کامیابی اورنفاذ کو یقینی بنانے کے لئے پرعزم ہیں۔
حماس کے ترجمان نے مزید بتایا کہ مصر، قطر اور ترکیہ سے واضح ضمانتیں موصول ہوئی ہیں، امریکا کی جانب سے بھی براہ راست تصدیق کی گئی۔
ترجمان حماس حازم قاسم کا کہنا تھا کہ امریکا کا مقبوضہ مغربی کنارے کو اسرائیل میں ضم نہ کرنے کا مؤقف مثبت قدم ہے۔
