نئی دہلی: (دنیا نیوز) بھارتی شہر بنگلورو میں انتہائی افسوسناک واقعہ پیش آیا، جہاں شوہر نے طلاق کا نوٹس بھیجنے پر بیوی کو قتل کر دیا۔
بھارتی میڈیا کے مطابق جوڑے کے درمیان علیحدگی ہو چکی تھی، شوہر بالاموروگن نے بیوی بھونیشوری کو طلاق کا نوٹس بھیجنے پر جان سے ماردیا، بعدازاں اس نے خود کو پولیس کے حوالے کردیا۔
40 سالہ شخص ڈگری کے اعتبار سے سافٹ ویئر انجینئر تھا اور اس سے قبل ایک پرائیویٹ فرم میں کام کرتا تھا لیکن گزشتہ چار سال سے بے روزگار تھا، 39 سالہ بھونیشوری، یونین بینک آف انڈیا میں اسسٹنٹ منیجر تھیں۔
جوڑے نے 2011 میں شادی کی اور ایک نجی سافٹ ویئر کمپنی میں شمولیت کے بعد 2018 میں بنگلورو چلے گئے، دونوں تمل ناڈو کے سیلم ضلع کے رہنے والے ہیں اور ان کے دو بچے ہیں۔
گولی مارنے کے بعد بھونیشوری کو ہسپتال منتقل کیا گیا جہاں ڈاکٹروں نے ان کی موت کی تصدیق کردی۔
