حکومت کی جانب سے حالیہ اعلان کردہ منی بجٹ کے تحت ایف بی آر نے 2 ہزار مصنوعات پر عائد ڈیوٹیز کا نیا نوٹیفکیشن جاری کردیا ہے۔ ان مصنوعات میں کچھ پر ڈیوٹی میں 15 فیصد تک اضافہ کیا گیا ہے جبکہ کچھ مصنوعات پر ڈیوٹی 10 سے کم کر کے 5 فیصد کر دی گئی ہے۔ اس کے علاوہ کچھ مصنوعات پر ڈیوٹی کو مستحکم رکھا گیا ہے۔ رپورٹ کے مطابق درآمدی اسپورٹس اشیاء اور کٹلری ڈیوٹی 20 فیصد پر برقرار رکھی گئی ہے۔

دوسری جانب امپورٹڈ سی فوڈ سمیت سبزیاں اور کھانے پینے کی مختلف درآمدی اشیاء پر ڈیوٹی بڑھائی گئی ہے۔ ایف بی آر کے مطابق درآمدی یارن پر ڈیوٹی 10 سے کم کر کے 5 فیصد کردی گئی ہے۔