لاہور: (ویب ڈیسک) ملک بھر میں فی تولہ اور دس گرام سونے کی قیمت میں بالترتیب 1000 اور 857 روپے کا اضافہ ریکارڈ کیا گیا۔
تفصیلات کے مطابق بین الاقوامی اور ملکی صرافہ مارکیٹوں میں سونے کی قیمت میں مزید اضافہ جاری ہے۔ بین الاقوامی مارکیٹ میں سونے کی قیمت میں 15 ڈالر کا اضافہ دیکھا گیا جس کے بعد سونے کی نئی قیمت 15050 امریکی کرنسی ہو گئی ہے۔
بین الاقوامی مارکیٹ کے اثرات پاکستان کی صرافہ مارکیٹوں میں پڑنے لگے، فی تولہ سونے کی قیمت میں 1 ہزار روپے کا اضافہ ریکارڈ کیا گیا جس کے بعد لاہور، کراچی، اسلام آباد، پشاور، کوئٹہ، حیدر آباد، سکھر، فیصل آباد راولپنڈی سمیت دیگر مارکیٹوں میں نئی قیمت 87 ہزار 900 روپے ہو گئی ہے۔
اُدھر فی تولہ سونے کی طرح دس گرام سونے کی قیمت میں 857 روپے کا اضافہ ریکارڈ کیا گیا جس کے بعد دس گرام سونے کی نئی قیمت 75360 روپے ہو گئی ہے۔
مزید براں فی تولہ چاندی کی قیمت میں 100 روپے کی بڑھوتری دیکھی گئی جس کے بعد نئی قیمت 1070 روپے ہو گئی ہے۔
