کراچی: (دنیا نیوز) سٹیٹ بینک آف پاکستان کے مطابق ملکی زرمبادلہ کے مجموعی ذخائر میں 6 کروڑ 41 لاکھ ڈالرز اضافہ ہوا ہے۔
سٹیٹ بینک کے مطابق ملکی زرمبادلہ کے مجموعی ذخائر 4 اکتوبر تک 16 ارب 4 کروڑ 70 لاکھ ڈالرز ہوگئے۔
سیٹٹ بینک کے زرمبادلہ کے ذخائر میں 10 کروڑ 63 لاکھ ڈالرز اضافہ ہوا، سٹیٹ بینک کے زرمبادلہ کے ذخائر 4 اکتوبر تک 10 ارب 80 کروڑ 80 لاکھ ڈالرز رہے۔
کمرشل بینکوں کے پاس موجود زرمبادلہ کے ذخائر میں 4 کروڑ 22 لاکھ ڈالرز کمی ہوئی، کمرشل بینکوں کے پاس موجود زرمبادلہ کے ذخائر 4 اکتوبر تک 5 ارب 23 کروڑ 90 لاکھ ڈالر رہے۔
