اسلام آباد: (دنیا نیوز) رواں ہفتے کےد وران مہنگائی کی شرح میں مزید کمی آگئی، ملک میں مہنگائی بڑھنے کی سالانہ شرح 1.02 فیصد کی سطح پر آگئی۔
ادارہ شماریات کی جانب سے جاری اعداد وشمار کے مطابق گزشتہ ہفتے 13 اشیا ضروریہ کی قیمتوں میں اضافہ جبکہ 16 اشیا ضروریہ کی قیمتوں میں کمی اور22 کی قیمتیں مستحکم رہیں۔
رپورٹ کے مطابق کیلے کی قیمت میں فی درج 4.35 روپے، ڈیزل فی لیٹر 7 روپے چینی کی فی کلو 2.68 روپے، لہسن کی قیمت میں 3 روپے فی کلو اضافہ ہوا، نمک، پیٹرول، سیگریٹ، کپڑا، خشک دودھ اور جلانے کی لکڑی بھی مہنگی ہونے والی اشیا میں شامل ہے۔
گزشتہ ہفتے ٹماٹر کی فی کلو قیمت میں 7.94 روپے، آلو کی فی کلو قیمت 4.39 روپے پیاز کی قیمت میں 5.19 روپے فی کلو ، برائلر مرغی کا گوشت 17.57 روپے فی کلو سستا ہوا۔
رپورٹ کے مطابق دال چنا کی قیمت 5.93 روپے اور دال ماش کی قیمت 3.2 روپے کمی ہو ئی، چاول، سرسوں کا تیل اور آٹا بھی سستی ہونے والی اشیا میں شامل ہے۔
