اسلام آباد: (دنیا نیوز) وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا۔
وزارت خزانہ کے جاری کردہ اعلامیہ کے مطابق وزارت خزانہ ای سی سی نے انٹرنیشنل کرکٹ کونسل کیلئے ٹیکس چھوٹ کی منظوری دیدی، انکم ٹیکس چھوٹ کی منظوری آئی سی سی چیمپئنز ٹرافی کے سلسلے میں دی گئی، سیلز ٹیکس اور فیڈرل ایکسائز ڈیوٹی کی مد میں کوئی چھوٹ نہیں ہوگی۔
وزارت خزانہ کے جاری اعلامیہ میں بتایا گیا انکم ٹیکس کی چھوٹ کے نتیجے میں آمدنی میں کمی کی توقع نہیں ہے، کویت کو بھیڑوں، بکروں کی تجارتی برآمد پر پابندی اٹھانے کی سمری مؤخر کردی، وزارت توانائی کیلئے ترقیاتی اخراجات کی مد 6 ارب 85 کروڑ کی گرانٹ کی منظوری دی گئی۔
پاکستان ایل این جی لمیٹڈ اور سوکار ٹریڈنگ کے ایل این جی معاہدے میں مزید تین سال کی توسیع منظور کر لی گئی، توسیع موسمی طلب کی بنیاد پر ایل این جی کی خریداری کیلئے پاکستان کی حکمت عملی کے مطابق ہے۔
