کراچی: (دنیا نیوز) پاکستان سٹاک مارکیٹ میں زبردست تیزی کے بعد مندی چھاگئی جس کے باعث سرمایہ کاروں کو اربوں کا نقصان برداشت کرنا پڑا۔
کاروباری ہفتے کے پہلے روز سٹاک ایکسچینج میں کاروبار کے آغاز پر تیزی دیکھنے میں آئی، 1100 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 16 ہزار 658 پوائنٹس کی سطح پر پہنچ گیا۔
بعدازاں ٹریڈنگ کے دوران سٹاک ایکسچینج اچانک منفی زون میں چلی گئی، کاروباری روز کے اختتام پر ہنڈرڈ انڈیکس 1405 پوائنٹس کی کمی کیساتھ ایک لاکھ 14 ہزار 63 پوائنٹس کی سطح پر بند ہوا۔
واضح رہے کہ گزشتہ کاروباری ہفتے کے آخری روز انڈیکس 449 پوائنٹس کے اضافے کیساتھ ایک لاکھ 15 ہزار 469 پوائنٹس پر بند ہوا تھا۔
سٹاک مارکیٹ میں آج 20 ارب 54 کروڑ 56 لاکھ 23 ہزار 892 روپے مالیت کے 19 کروڑ 2 لاکھ 20 ہزار 474 شیئرز کا لین دین ہوا۔
