لاہور: (ویب ڈیسک) پاکستان کرکٹ بورڈ کی طرف سے فاسٹ باؤلر عمر گل کے اعزاز میں تقریب کا اہتمام کیا گیا۔
تقریب کے موقع پر چیئر مین پاکستان کرکٹ بورڈ احسان مانی نے فاسٹ باؤلر عمر گل کی خدمات کا اعتراف کرتے ہوئے انہیں اعزازی شیلڈ سے نوازا۔
Fast bowler @mdk_gul honoured during third T20I
— Pakistan Cricket (@TheRealPCB) January 27, 2020
More: https://t.co/YpYhqi8oDc pic.twitter.com/FtnYBOakOF
عمر گل نے انگلینڈ میں کھیلے گئے آئی سی سی ٹی ٹونٹی ورلڈکپ 2009ء میں نیوزی لینڈ کے خلاف تین اوورز میں 6 رنز کے عوض 5 کھلاڑیوں کوپویلین کی راہ دکھائی تھی جو کہ اس وقت ایک عالمی ریکارڈ تھا۔ عمر گل نے ایونٹ میں سب سے زیادہ 13 وکٹیں حاصل کی تھیں۔ میگا ایونٹ کے فائنل میں پاکستان نے سری لنکا کو 8 وکٹوں سے شکست دی تھی۔
Fast bowler @mdk_gul was honoured in Lahore on Monday for his Pakistan record figures of five for six in T20Is when PCB Chairman Ehsan Mani presented him with a crystal plaque.https://t.co/DIWDoYkRdC pic.twitter.com/euiQJmt6Ci
— Pakistan Cricket (@TheRealPCB) January 27, 2020
عمر گل کا یہ ورلڈ ریکارڈ اگست 2001ء میں سری لنکا کے اجنتھا مینڈس نے اس وقت توڑا جب انہوں نے آسٹریلیا کے خلاف پالی کیلے میں 16 رنز کے عوض 6 وکٹیں حاصل کی تھیں ٹی ٹونٹی کرکٹ میں فی الحال بہترین باؤلنگ کا ریکارڈ بھارت کے دیپک چہار کے پاس ہے انہوں نے بنگلا دیش کے خلاف نومبر 2019ء میں 7 رنز دے کر 6 وکٹیں حاصل کر رکھی ہیں۔
عمر گل نے 2013ء میں ایک بار پھر ٹی ٹونٹی کرکٹ کے ایک میچ میں پانچ وکٹیں حاصل کی تھی، انہوں نے سنچورین میں جنوبی افریقا کے خلاف چھ رنز کے عوض پانچ وکٹیں کھلاڑیوں کو پویلین کی راہ دکھائی تھی۔
اس موقع پر عمر گل کا کہنا تھا کہ اپنے ٹی ٹونٹی انٹرنیشنل کرکٹ کیریئر میں پاکستان کے لیے زیادہ سے زیادہ کامیابیاں سمیٹنے کی کوشش کی، پاکستان کی نمائندگی کرنے پر فخر ہے۔
ان کا کہنا تھا کہ پاکستان کرکٹ بورڈ کے معترف ہیں جنہوں نے خدمات کے اعتراض میں اعزاز سے نوازا۔ کرکٹ بورڈ میں تبدیلی واضح ہے۔ یہاں ملک کی خدمت کرنے والے کرکٹرز کو نوازا جانا خوش آئند ہے۔
