لاہور: (دنیا نیوز) پاکستان سپر لیگ (پی ایس ایل فائیو) کے آفیشل سونگ کے تنازع کے بعد علی ظفر نے اپنے گانے کا ٹیزر جاری کر دیا ہے۔
تفصیل کے مطابق پی ایس ایل فائیو کے آفیشل گانے کے تنازع میں دلچسپ موڑ آ گیا ہے۔ عوام کی فرمائش پر گلوکار علی ظفر نے گانا بنانا شروع کر دیا ہے۔
انہوں نے سوشل میڈیا پر’’ بھائی آ رہا ہے، تیار ہو؟’’ کا ٹیزر بھی جاری کر دیا ہے۔ گانے کے ایشو پر سوشل میڈیا صارفین کے ساتھ فنکار اور
کرکٹرز کے ردعمل بھی سامنے آ رہے ہیں۔
Bhaee Aa Raha hai! #bhaeehazirhai pic.twitter.com/amrYUgt01O
— Ali Zafar (@AliZafarsays) February 23, 2020
راولپنڈی ایکسپریس شعیب اختر نے اعلان کا ویلکم کیا اور ٹویٹ میں کہا کہ ‘’ہو جائے پھر’’۔ انہوں نے ہیش ٹیگ کا استعمال کرتے ہوئے ‘’بھائی حاضر ہے’’ بھی لکھا۔
Hmmm. @AliZafarsays, ho jaaye phir? #bhaeehazirhai :)
— Shoaib Akhtar (@shoaib100mph) February 23, 2020
ٹویٹر پر ایک صارف نے پی ایس ایل فائیو کا آفیشل سونگ گانے والی ٹیم کے رکن عاصم اظہر سے پوچھا کہ علی ظفر کا اسی گانے کو دوبارہ گانا آپ کی بے عزتی نہیں؟
جواب میں گلوکار نے لکھا اس میں بے عزتی والی کوئی بات نہیں، وہ سینئر ہیں اور انہوں نے جو کام کیا وہ قابل احترام ہے۔ عاصم اظہر نے مزید کہا کہ اس زیادہ خوشی کی بات کوئی نہیں ہو سکتی کہ وہ پاکستان کی بہتری کیلئے سپورٹ کر رہے ہیں۔ ہمارا یہی مسئلہ ہے کہ آپس میں بٹے ہوئے ہیں، ہمیں ایک دوسرے کو سپورٹ کرنے کی ضرورت ہے۔
