لاہور:(ویب ڈیسک)ٹی 20ورلڈ کپ میں 11نومبر کو قومی کرکٹ ٹیم کا کینگروز کے ساتھ سیمی فائنل ہوگا جس کے لئے پاکستانیوں کا جوش و جذبہ اس وقت عروج کو پہنچ چکا ہے جبکہ دوسری جانب ایک اور پاکستانیوں کی بھابھی شنیرا اکرم کو اس وقت بڑے امتحان کا سامنا ہے۔
آسٹریلیا سے تعلق رکھنے والی سابق کپتان وسیم اکرم کی اہلیہ اپنے ملک کے بجائے ہیمشہ پاکستان کی حمایت کرتی رہی ہیں اور اب پھر ان کو اس امتحان کا سامنا ہے کہ آخر سیمی فائںل میں وہ کینگروز کی حمایت کریں یا پھر گرین شرٹس کی۔
سماجی رابطے کی ویب سائٹ ٹوئٹر پر ایک خاتون صارف ثمرا طارق کی جانب سے ایک پوسٹر شیئر کیا گیا اور شنیرا اکرم سے سوال پوچھا گیا کہ میں یہ جاننے میں کافی دلچسپی رکھتی ہوں کہ اس میچ میں شنیرا کس کی حمایت کریں گی؟
— Shaniera Akram (@iamShaniera) November 8, 2021
اس سوال کے جواب میں وسیم اکرم کی آسٹریلین اہلیہ کی جانب سے واضح جواب نہ دیا گیا بلکہ اس ٹوئٹ کو ری ٹوئٹ کرتے ہوئے الٹا سوال ہی کرلیا گیا۔
شنیرا اکرم نے مداحوں کومخاطب کرتے ہوئے لکھا کہ میں آپ سب سے جاننا چاہتی ہوں، آپ کے خیال میں میں کس ٹیم کو سپورٹ کروں گی؟
I live in England and always cheer for England but I was born and raised in Pakistan and that’s my first love so I cheer for Pakistan in a match between them. So nothing wrong if you cheer for as you were born there.
— Shamoon Chaudhary (@Shamoonali) November 9, 2021
وسیم اکرم کی اہلیہ کے اس سوال پر کسی نے شنیرا کی وسیم اکرم کے ساتھ تصویر شیئر کرتے ہوئے لکھا کہ آپ کی وسیم کیلئے محبت دیکھتے ہوئے ایسا ہی لگتا ہے کہ آپ پاکستان کے ساتھ ہوں گی تو کسی نے کہا کہ شنیرا کا تعلق آسٹریلیا سے ہے اس لیے وہ اسی ٹیم کو جیتتا ہوا دیکھنا چاہیں گی۔
We will not mind, if you want to support Australia too
— Hasham Ali (@Hashamali707) November 9, 2021
یاد رہے کہ وسیم اکرم نے آسٹریلوی شہری شنیرا اکرم سے 2013میں اگست کے مہینے میں شادی کی تھی۔
اس موقع پر وسیم اکرم کا کہنا تھا کہ شنیرا نے اسلام قبول کرلیا ہے اور وہ اردو زبان بھی سیکھ رہی ہیں۔ وسيم اکرم نے پرستاروں سے خوشگوار زندگی کيلئے دعاؤں کی درخواست کی تھی اور کہا تھا کہ ان کی دوسری نئی جیون ساتھی ان کی پہلی بیوی کے بچوں کے ساتھ گھل مل گئی ہے۔
— Iftikhar ahmed vohra (@iftikhar_vohra) November 9, 2021
وسیم اکرم کی شنیرا سے ان کی دوسری شادی ہے ،سال 2009 میں وسیم اکرم کی پہلی اہلیہ ہما اکرم بیماری کے باعث انتقال کرگئی تھیں۔ جسکے بعد بھارتی اداکارہ سشمیتا سین کے ساتھ بھی ان کی دوستی کے چرچے کافی مشہور ہوئے تھے۔
خیال رہے کہ اس سے قبل پاکستانیوں کی بھابھی ثانیہ مرزا نے اپنے شوہر شعیب ملک کی حمایت میں سٹیڈیم میں سکاٹ لینڈ کے خلاف میچ دیکھا جو انتہا پسندوں کو ہضم نہ ہوا اور ٹینس سٹار کو تنقید کا نشانہ بنایا۔
