لاہور: (ویب ڈیسک) قسمت آسٹریلیا اور انگلینڈ کے درمیان کھیلی جانے والی ایشز سیریز میں بین سٹوکس پر مہربان ہو گئی، گیند وکٹ پر لگنے کے باوجود ناٹ آؤٹ رہے۔
کرکٹ بائی چانس ہے لیکن اب سائنسی دور میں ٹیکنالوجی نے فیصلوں کو آسان بنا دیا۔ ایسا ہی ڈرامائی سین انگلینڈ اور آسٹریلیا کے درمیان کھیلی جانے والی ایشیز میں سٹوکس کے ساتھ پیش آیا۔
ہوا کچھ یوں کہ انگلش بلے باز بین سٹوکس پر اس وقت قسمت مہربان ہو گئی جب فیلڈ امپائر نے بلے باز کو آؤٹ قرار دیا تو اس فیصلے کو چیلنج کر دیا گیا۔
UNBELIEVABLE #Ashes pic.twitter.com/yBhF8xspg1
— cricket.com.au (@cricketcomau) January 7, 2022
ریویو میں دیکھا جا سکتا ہے کہ گیند وکٹ پر لگنے کے باوجود بیلز نہیں گرتی جس پر فیلڈ امپائر کے فیصلے کو تبدیل کر کے بلے باز کو ناٹ آؤٹ قرار دیا جاتا ہے۔
میدان میں لگی بڑی سکرین پر یہ منظر دیکھ کر بلے باز اپنے قسمت پر رشک کر اٹھے اور ان کی خوشی دیدنی تھی۔