لاہور:(ویب ڈیسک) پاکستان سپر لیگ (پی ایس ایل ) کے ساتویں ایڈیشن کے دوسرے مرحلے کے میچ میں لاہور قلندرز نے کوئٹہ گلیڈی ایٹرز کو 8 وکٹ سے شکست دیکر پلے آف مرحلے کے لئے کوالیفائی کرلیا ہے۔
لاہور کے قذافی سٹیڈیم میں پی ایس ایل 7 کا دوسرا مرحلہ جاری ہے جس کے 20 ویں میچ میں لاہور قلندرز کے کپتان شاہین شاہ آفریدی نے ٹاس جیت کر کوئٹہ گلیڈی ایٹرز کے قائد سرفراز احمد کو پہلے بیٹنگ کی دعوت دی تھی۔
لاہور قلندرز اننگز
Home team grabs another victory in front of a superb crowd. #HBLPSL7 l #LevelHai l #LQvQG pic.twitter.com/5tC8U2U1kM
— PakistanSuperLeague (@thePSLt20) February 13, 2022
142 رنز کا ہدف لاہور قلندرز کی ٹیم نے باآسانی 2 وکٹ کے نقصان پر 17 اعشاریہ 4 اوورز میں حاصل کرلیا۔
قلندرز کی جانب سے فخز زمان نے ایک مرتبہ پھر ذمہ دارانہ اننگز کھیلی اور 4 چوکوں کی مدد سے 42 گیندوں پر 53 رنز کی اننگز کھیلی، عبداللہ شفیق 19 رنز بناکر پویلین لوٹے جبکہ کامران غلام 55 اور محمد حفیظ 9 سکور بناکر ناقابل شکست رہے، کوئٹہ گلیڈی ایٹرز کی جانب سے نور احمد اور غلام مدثر نے ایک، ایک وکٹ اپنے نام کی۔
لاہور قلندرز کے کپتان شاہین شاہ آفریدی کو میچ کا بہترین کھلاڑی قرار دیا گیا۔
کوئٹہ گلیڈی ایٹرز اننگز
Lahore put on a show for the home crowd and restrict Quetta to 141.
— PakistanSuperLeague (@thePSLt20) February 13, 2022
What are your predictions considering this total? #HBLPSL7 l #LevelHai l #LQvQG pic.twitter.com/wbkwzwseCV
قلندرز کے خلاف میچ کے لئے کوئٹہ گلیڈی ایٹرز کی جانب سے جیسن روئے اور احسان علی نے اننگز کا آغاز کیا، تاہم جیسن روئے اور ان کے بعد آنے والے بیٹر جیمز ونس شاہین شاہ آفریدی کا ابتدائی اوور میں ہی شکار بن گئے۔
گلیڈی ایٹرز نے مقررہ 20 اوورز میں 7 وکٹ کے نقصان پر 141 رنز بنائے، جیسن روئے صفر، احسان علی 8، جیمز ونس صفر، کپتان سرفراز احمد 12، افتخار احمد 52، عمر اکمل 25 اور حسان خان 17 رنز بناکر آؤٹ ہوئے جبکہ سہیل تنویر 7 اور نور احمد 13 سکور پر ناٹ آؤٹ رہے۔
لاہور قلندرز کی طرف سے کپتان شاہین شاہ آفریدی اور ڈیوڈ ویزے نے 2،2، حارث رؤف اور راشد خان نے 1،1 کھلاڑی کو پویلین کی راہ دکھائی۔
لاہور قلندرز سکواڈ
Shaheen has won the toss for @lahoreqalandars and put @TeamQuetta to bat first. Here we go! #HBLPSL7 l #LevelHai l #LevelHai pic.twitter.com/NipKMSbQKO
— PakistanSuperLeague (@thePSLt20) February 13, 2022
کوئٹہ گلیڈی ایٹرز کے خلاف میچ کیلئے لاہور قلندرز کے سکواڈ میں کپتان شاہین شاہ آفریدی، فخز زمان، عبداللہ شفیق، کامران غلام، محمد حفیظ، ہیری بروک، فل سالٹ، راشد خان، ڈیوڈ ویزے، حارث رؤف اور زمان خان شامل تھے۔
کوئٹہ گلیڈی ایٹرز سکواڈ
لاہور قلندرز کے خلاف میچ کیلئے کوئٹہ گلیڈی ایٹرز کے سکواڈ میں کپتان سرفراز احمد، جیسن روئے، احسان علی، جیمز ونس، افتخار احمد، عمر اکمل، حسان خان، نور احمد، سہیل تنویر، نسیم شاہ اور غلام مدثر شامل تھے۔
