لاہور: (ویب ڈیسک) قومی کرکٹ ٹیم کے سابق کپتان یونس خان نےکہا ہےکہ کپتانی کے لیے بابر اعظم کے علاوہ کوئی چوائس نہیں ہے۔
پاکستان کے سابق کپتان یونس خان نے میڈیا سےگفتگو کہا کہ بابراعظم دو سالوں سے ٹاپ پلیئر ہے، ان کا موازنہ کسی سے نہیں کیا جاسکتا۔
یونس خان کا کہنا تھا کہ قومی کرکٹ ٹیم کی کپتانی کے لیے بابر کے علاوہ کوئی چوائس نہیں، انڈیا اور پاکستان کی سیریز ہونی چاہیے، دونوں ممالک کے درمیان کرکٹ سےکھلاڑی بنتے ہیں اور ان کا گریڈ بڑھتا ہے۔
ٹی ٹوئنٹی ورلڈکپ میں پاکستان کے خلاف اچھی اننگز سے ویرات کوہلی کی گریڈنگ اوپر ہوئی، کرکٹ کی پروموشن کے لیے دونوں ممالک کو بیٹھ کر بات کرنا چاہیے۔
یونس خان کا مزید کہنا تھا کہ ڈیپارٹمنٹل کرکٹ کی بحالی پاکستان کرکٹ بورڈ کا زبردست فیصلہ ہے، اس سے کھلاڑیوں کے لیے روزگار کے مواقع دستیاب ہوں گے۔
