شارجہ: (ویب ڈیسک) قومی کرکٹ ٹیم کے نوجوان بیٹر محمد حارث نے افغانستان سے ٹی 20 سیریز ہارنے کا ذمے دار خود کو قرار دے دیا۔
سماجی رابطے کی ویب سائٹ ٹوئٹر پر جاری کردہ پیغام میں محمد حارث نے کہا کہ میری پیاری قوم ہم جو نتیجہ چاہتے تھے وہ نہیں ملا، اس سب کا ذمے دار میں ہوں کیوں کہ میں نے ٹیم کو اچھا آغاز فراہم نہیں کیا، جس کا مجھے افسوس ہے۔
Dear my nation. Not the result we wanted. I am responsible as I did not provide a good start for my team. Really sorry but we will learn from this experience and come back stronger In ShAA Allah.
— Muhammad Haris (@iamharis63) March 27, 2023
محمد حارث کا کہنا ہے کہ اس تجربے سے ہم سیکھیں گے اور مستقبل میں اچھا کھیلیں گے، نوجوان بیٹر نے افغانستان کے تین میچز میں صرف 22 رنز بنائے۔
واضح رہے کہ گزشتہ روز کھیلے گئے آخری ٹی 20 میں پاکستان نے افغانستان کو 66 رنز سے شکست دی تھی، تین میچز کی سیریز کے ابتدائی دونوں میچز افغانستان کے نام رہے تھے۔
