حیدر آباد: (ویب ڈیسک) ورلڈ کپ کے افتتاحی میچ میں تماشائیوں کی عدم دلچسپی ، خالی کرسیاں بھارتی کرکٹ بورڈ کو منہ چڑھانے لگیں۔
آئی سی سی ورلڈکپ 2023 کا آغاز ہوگیا اور حیدر آباد کے نریندر مودی سٹیڈیم میں انگلینڈ اور نیوزی لینڈ کے درمیان ہونیوالے افتتاحی میچ میں خالی کرسیاں بھارتی کرکٹ بورڈ کو منہ چڑھانے لگیں ہیں کیوں کہ میدان میں تماشائی نہ ہونے کے برابر ہیں۔
— England s Barmy Army (@TheBarmyArmy) October 5, 2023
سوشل میڈیا پر بھی شائقین کی جانب سے بھارتی کرکٹ بورڈ پر کافی تنقید کی جا رہی ہے اور ساتھ ہی خالی سٹیڈیم کی تصاویر اور ویڈیوز وائرل ہو رہی ہیں۔
ورلڈکپ میچز شروع ہونے سے پہلے آن لائن بکنگ ویب سائٹ نے تمام ٹکٹس فروخت ہونے کا دعویٰ کیا تھا جو بظاہر افتتاحی میچ میں جھوٹا نکلا۔
— ESPNcricinfo (@ESPNcricinfo) October 5, 2023
دوسری جانب سوشل میڈیا پر بیان جاری کرتے ہوئے جے شاہ نے کہا کہ شائقین کرکٹ کو سٹیڈیم میں میچز کی جانب مبذول کرانے کے لیے مفت منرل واٹر دینے کا فیصلہ کیا گیا ہے۔
— Jay Shah (@JayShah) October 5, 2023
جے شاہ نے کہا کہ ورلڈکپ کے دوران سٹیڈیم میں شائقین کو منرل واٹر اور پیکنگ میں دستیاب مفت پانی دیا جائے گا، ہائیڈریٹڈ رہیں اور گیمز انجوائے کریں، آئیں اور ورلڈکپ کے دوران نہ بھلائے جانے والے لمحات بنائیں۔
