لاہور: (ویب ڈیسک) پاکستان کرکٹ ٹیم کے اوپننگ بلے باز صائم ایوب کا "نو لک شاٹ" سوشل میڈیا پر وائرل ہوگیا۔
پاکستان سپر لیگ (پی ایس ایل) سے شہرت پانے والے صائم ایوب نے نیوزی لینڈ کے خلاف پہلے ٹی ٹوئنٹی میں 8 گیندوں پر 27 رنز کی دھواں دھار اننگز کھیلی اور کئی ریکارڈز بھی اپنے نام کیے۔
صائم ایوب سے سب سے پہلے پی ایس ایل میں "نو لک شاٹ" سے شہرت کمائی تھی۔
اب انٹرنیشنل کرکٹ میں بھی وہ دھوم مچا رہے ہیں، 12 جنوری کو پاکستان کی طرف سے نیوزی لینڈ کے خلاف پہلے ٹی ٹوئنٹی میں صائم نے 8 گیندوں پر 27 رنز کی مختصر لیکن دھواں دھار اننگز کھیلی۔
— عمیر صدیقی (@KhannSahabb) January 12, 2024
صائم کی بیٹنگ کی خاص بات ان کا "نو لک شاٹ" تھا جو کہ سوشل میڈیا پر خوب وائرل ہوا۔
البتہ گزشتہ روز نیوزی لینڈ نے پہلے ٹی 20 میچ میں پاکستان کو 46 رنز سے شکست دے دی تھی لیکن صائم ایوب جن کا موازنہ پاکستانی لیجنڈ اوپنر سعید انور سے کیا جاتا ہے نے اپنی شاٹس سے آج کافی نئے فینز بنا لیے ہیں۔
— ESPNcricinfo (@ESPNcricinfo) January 12, 2024
سٹرائیک ریٹ
صائم نے 337.5 کے سٹرائیک ریٹ سے بیٹنگ کی جو کہ پاکستان کے لیے ریکارڈ ہے، کم سے کم 25 رنز کی اننگز کے لیے یہ کسی بھی پاکستانی کا سب سے زیادہ سٹرائیک ریٹ ہے۔
اس کےعلاوہ صائم نے فیلڈنگ میں 4 کیچز پکڑ کر پاکستان کے لیے ٹی 20 کرکٹ کے ایک میچ میں سب سے زیادہ کیچ پکڑنے کا ریکارڈ بھی اپنے نام کیا۔
