لاہور: (دنیا نیوز) پاکستان کرکٹ بورڈ کے حکام سے اختلافات کے باعث پاکستان سپر لیگ کی کمشنر نائلہ بھٹی عہدے سے مستعفی ہو گئیں۔
ذرائع کے مطابق پی ایس ایل کمشنر نائلہ بھٹی کا استعفیٰ منظور بھی کر لیا گیا ہے اور انہوں نے پی سی بی مینجمنٹ سے اختلافات کی وجہ سے استعفیٰ دیا ہے۔
واضح رہے کہ پاکستان سپر لیگ کی کمشنر نائلہ بھٹی بھی سابق چیئرمین پی سی بی نجم سیٹھی کی ٹیم کا حصہ تھیں۔
یاد رہے کہ گزشتہ روز پاکستانی فاسٹ باؤلر احسان اللہ کی انجری کے معاملے پر پاکستان کرکٹ بورڈ (پی سی بی) کے ڈائریکٹر میڈیکل اینڈ سپورٹس سائنسز ڈاکٹر سہیل سلیم مستعفی ہو گئے تھے جن کا استعفیٰ پی سی بی نے منظور بھی کر لیا تھا۔
