کراچی: (دنیا نیوز) پاکستان کرکٹ بورڈ (پی سی بی) نے نیشنل سٹیڈیم کراچی میں انکلوژر شاہد آفریدی اور یونس خان کے نام سے منسوب کرنے کا فیصلہ کرلیا۔
قائد انکلوژرکو شاہد آفریدی انکلوژر کیا جائے گا اور موجودہ ماجد خان انکلوژر کو یونس خان انکلوژر کر دیا جائے گا جبکہ موجودہ ظہیر عباس انکلوژر کو نذر محمد انکلوژر کردیا جائے گا۔
نیشنل سٹیڈیم میں 1050 کی گنجائش والے ان 2 انکلوژرز کو ماجد خان اور ظہیر عباس انکلوژر کا نام دیا جائے گا، حنیف محمد اور فضل محمود انکلوژر کی جگہیں بھی تبدیل کی جا رہی ہیں۔
نیشنل سٹیڈیم کی نئی تعمیر شدہ بلڈنگ میں 2 نئے وی وی آئی پی انکلوژرز بن رہے ہیں۔
