لاہور: (ویب ڈیسک) پاکستان کرکٹ بورڈ (پی سی بی) نے آئی سی سی چیمپئنز ٹرافی کیلئے مزید ٹکٹس ریلیز کرنے کا فیصلہ کر لیا۔
ذرائع کے مطابق عوام کی دلچسپی دیکھتے ہوئے چیمپئنز ٹرافی کے چار میچز کی مزید ٹکٹیں آج سے فینز کو دستیاب ہوں گی، پاکستان بمقابلہ نیوزی لینڈ، پاکستان بمقابلہ بنگلادیش، آسٹریلیا بمقابلہ انگلینڈ اور دوسرے سیمی فائنل کے مزید ٹکٹس جاری ہوں گے۔
ذرائع کے مطابق پاکستان اور بنگلا دیش کے میچ کے مزید 2 ہزار ٹکٹس ریلیز ہوں گے جبکہ دیگر میچز کے 5، 5 ہزار ٹکٹس ریلیز ہوں گے جبکہ یہ ٹکٹس آن لائن بھی حاصل کیے جاسکتے ہیں اور نجی کوریئر سروس کے دفتر پر بھی دستیاب ہوں گے۔
ذرائع کے مطابق پاکستان کرکٹ بورڈ نے یہ فیصلہ ایونٹس میں فینز کی دلچسپی کو مدنظر رکھتے ہوئے کیا ہے، پاکستان چیمپئنز ٹرافی میں اپنا پہلا میچ 19 فروری کو نیوزی لینڈ کے خلاف کراچی میں کھیلے گا۔
