کراچی: (دنیا نیوز) قومی ٹیم کے کپتان محمد رضوان نے کہا کہ شاندار جیت پر خوش ہوں، ہدف کافی بڑا تھا لیکن شراکت داری بہترین رہی، چیمپئنز ٹرافی میں غلطی کی گنجائش نہیں ہوگی۔
کپتان قومی ٹیم محمد رضوان نے جنوبی افریقہ سے میچ جیتنے پر میڈیا سے گفتگو کرتے ہوئے کہا کہ فیلڈنگ کو مزید بہتر کرنے کی ضرورت ہے، کرکٹ کھیل ہے، ہار اور جیت ہوتی رہتی ہے، ٹیم محنت کرتی ہے تو ریکارڈ پر ریکارڈ بنتے رہتے ہیں۔
محمد رمضان کا کہنا تھا کہ کلاسک کی اننگ میچ کو 350 تک لے گئی، سٹارٹ ہمیں بہت اچھا ملا تھا، 3 وکٹیں گریں تو سب چیزیں لیول میں آگئیں، 18 اوور تک سکرین نہیں دیکھی تھی۔
قومی ٹیم کے کپتان نے کہا کہ پانچ پانچ اوور کی پلاننگ کی تھی، ایک بار اس دوران بھی پریشر میں آئے مگر بعد میں رزلٹ ہمارے حق میں آیا، یہ اچھا ہوا باؤلنگ کے حوالے سے سوچ بچار بالکل ٹھیک ہے، اس پر ہم نے بات کی ہمیں باؤلنگ میں امپرومنٹ لانی پڑے گی۔
انہوں نے کہا کہ بابر اعظم نے ماضی میں اتنا سکور کیا ہے کہ ہماری ہر میچ میں توقعات ہیں، بابر برانڈ بن چکا ہے، وہ پریشر لے بھی رہا ہے، قسمت شاید بابراعظم کا ابھی ساتھ نہیں دے رہی، امید ہے وہ کم بیک کریں گے، ہماری کرکٹ آسٹریلیا اور زمبابوے کے خلاف ایک ہی جیسی ہے۔
کپتان قومی ٹیم نے کہا کہ ہمارے پاس آپشن ہیں کہ اوپننگ بیٹرز کون ہوں، صائم کی صورت میں پاکستانی ٹیم کا نقصان ہوا ہے، صائم ایوب فیلڈر بھی اچھا تھا، 8/10 اوورز بھی پورے کھیلتا تھا، بابراعظم نئی بال اور کنڈیشنز کو سمجھ کر کھیلنے کی صلاحیت رکھتے ہیں۔
