کرائسٹ چرچ: (ویب ڈیسک) نیوزی لینڈ نے پاکستان کیخلاف ٹی ٹوئنٹی سیریز کیلئے سکواڈ کا اعلان کر دیا۔
پاکستان اور نیوزی لینڈ کے درمیان 5 میچز پر مشتمل سیریز کا آغاز 16 مارچ سے کرائسٹ چرچ میں ہوگا، 5 میچز پر مشتمل سیریز میں مائیکل بریسویل کیو ٹیم کے کپتان ہوں گے، سیریز کیلئے نیوزی لینڈ ٹیم میں چیمپئنز ٹرافی سکواڈ کے 7 کھلاڑی بھی شامل ہیں۔
لوکی فرگوسن ، ڈیون کونوے، گلین فلپس، رچن رویندرا اور مچل سینٹنر آئی پی ایل کی وجہ سے سیریز نہیں کھیلیں گے۔
کیوی سکواڈ میں ایش سودھی اور بین سیئرز کی واپسی ہوئی ہے جبکہ کائل جیمیسن اور ول او رورکی ابتدائی 3 میچز میں شرکت کریں گے جبکہ میٹ ہینری کو آخری 2 میچز کیلئے ٹیم میں شامل کیا گیا ہے۔
پاکستان کیخلاف 5 میچز پر مشتمل ٹی ٹوئنٹی سیریز کیلئے کیوی سکوڈ میں کپتان مائیکل بریسویل، فن ایلن، مارک چیپمین، جیکب ڈفی، زیک فوکس، مچ ہے، میٹ ہینری، کائل جیمی سن، ڈیرل مچل، جمی نیشم، ول او رورکی،ٹم رابن سن، بین سیئرز، ٹم سائفرٹ اور ایش سودھی شامل ہیں۔
یاد رہے کہ پاکستان اور نیوزی لینڈ کے درمیان 5 ٹی ٹوئنٹی میچز کی سیریز 16 سے 25 مارچ تک کھیلی جائیگی۔
