لاہور: (دنیا نیوز) پاکستان سپرلیگ سیزن 10 کے 18 ویں میچ میں کوئٹہ گلیڈی ایٹرز نے ملتان سلطانز کو یکطرفہ مقابلے کے بعد 10 وکٹوں سے باآسانی شکست دیدی۔
کوئٹہ گلیڈی ایٹرز نے ملتان سلطان کی جانب سے ملنے والا 90 رنز کا ہدف ساتویں اوورز میں بغیر کسی نقصان کے باآسانی حاصل کرلیا، سعود شکیل 42رنز اور فن ایلن42 رنز کیساتھ ناقابل شکست رہے۔
قبل ازیں لاہور کے قذافی سٹیڈی میں ہونیوالے میچ میں کوئٹہ گلیڈی ایٹرز نے ٹاس جیت کر ملتان سلطانز کو بیٹنگ کی دعوت دی، پہلے بیٹنگ کرتے ہوئے ملتان سلطان کی پوری ٹیم محض 89 رنز بناکر پویلین لوٹ گئی۔
یہ پی ایس ایل کی تاریخ میں ملتان سلطانز کا کم ترین ٹوٹل ہے، اس سے قبل سلطانز نے یہ ریکارڈ 2023 میں کراچی کنگز کے خلاف 101 رنز پر آؤٹ ہوئی تھی۔
ملتان سلطانز کی جانب سے اننگز کا آغاز مایوس کن رہا، محمد رضوان 44 رنز کیساتھ ناٹ آؤٹ رہے، عثمان میر 11 رنز بناکر آؤٹ ہوئے جبکہ دیگر کوئی کھلاڑی ڈبل فگر میں داخل نہ ہوسکا۔
یاسر خان5، کامران غلام3 ، کرٹس کیمفر 4، افتخار احمد 6، ڈیوڈ ولی 7، محمد حسنین 2، عبید شاہ 1 جبکہ عثمان خان اور مائیکل بریسویل بغیر کھاتے کھولے چلتے بنے۔
کوئٹہ گلیڈی ایٹرز کی جانب سے خرم شہزاد نے 4، فہیم اشرف اور محمد وسیم نے 2، 2 وکٹیں حاصل کیں۔
