دبئی: (دنیا نیوز) انڈر 19 ایشیا کپ کا فائنل کل پاکستان اور بھارت کے درمیان کھیلا جائے گا۔
دونوں ٹیمیں کل بروز اتوار 21 دسمبر کو دبئی میں ایک دوسرے کے مدمقابل ہوں گی، پول میچ میں بھارت نے پاکستان کو شکست دی تھی، سیمی فائنل مقابلوں میں پاکستان نے بنگلا دیش کو شکست دی جبکہ بھارت نے سری لنکا کو شکست دے کر فائنل کے لیے کوالیفائی کیا۔
پول میچ جیتنے کی وجہ سے بھارت کو پاکستان پر نفسیاتی برتری حاصل ہے جو ٹیم دباؤ برداشت کر گئی وہ فائنل میچ جیتے میں کامیاب رہے گی۔
پول میچ میں بھارت کے کپتان نے ٹاس کے موقع پر پاکستانی کپتان سے مصافحہ نہیں کیا تھا اور یہی عمل فائنل میں بھی دہرائے جانے کا امکان ہے، پاکستان اور بھارت کے درمیان فائنل میچ پاکستانی وقت کے مطابق صبح 10 بجے شروع ہو گا۔
