لاہور:(دنیا نیوز) پاکستان سپر لیگ (پی ایس ایل) کی دو نئی ٹیموں کے لیے بولی جمع کرانے کی آخری تاریخ ایک بار پھر تبدیل کر دی گئی ہے۔
پاکستان کرکٹ بورڈ کے ذرائع کا کہنا تھا کہ نئی ٹیموں کی بڈ جمع کروانے کی نئی آخری تاریخ 24 دسمبر مقرر کی گئی ہے، اِس سے قبل بولی جمع کرانے کی پہلی تاریخ 15 دسمبر جب کہ دوسری تاریخ 22 دسمبر رکھی گئی تھی، تاہم اب فرنچائزز کو مزید وقت فراہم کر دیا گیا ہے۔
دوسری جانب ذرائع نے مزید کہا کہ پی ایس ایل کی نئی فرنچائزز کے لیے اہل بولی دہندگان کے ناموں کا اعلان 27 دسمبر کو کیا جائے گا، جبکہ نئی ٹیموں کی باضابطہ نیلامی 8 جنوری کو منعقد ہوگی۔
