لندن: (ویب ڈیسک) انگلینڈ کے سابق کپتان جیفری بائیکاٹ ایشز سیریز میں آسٹریلیا سے شکست پر اپنی ٹیم پر برس پڑے۔
جیفری بائیکاٹ نے کہا کہ انگلینڈ ٹیم اس وقت تک تبدیل نہیں ہوگی جب تک مغرور رجیم ختم نہیں ہوگا، برینڈ میکلم، راب کی اور بین سٹوکس نے تین برسوں میں جھوٹ بیچا ہے، تینوں کی رجیم نے انگلینڈ کرکٹ لورز کو مایوس کیا ہے، برینڈن میکلم اور راب کی نے ہمیشہ یہی کہا کہ وہ ایشیز کی تیاری کر رہے ہیں۔
ان کا کہنا تھا کہ اس ایشز سیریز میں غلطیوں پر غلطیاں کی گئیں، وہ 4-1 سے ہارنے کے حقدار تھے، برینڈ میکلم کی فلاسفی یہی ہے اپنے انداز میں چلو دنیا کی پرواہ کئے بغیر کھیلو۔
انگلینڈ کے سابق کپتان نے کہا کہ کھلاڑیوں کو کہا جاتا ہے جاؤ اور خود کا اظہار کرو، آؤٹ ہو جاؤ نوپرابلم، ان سے کوئی جان نہیں چھڑاتا، کوئی کسی کو ڈراپ نہیں کرتا، کوئی احتساب نہیں ہوتا، اپنی مرضی کی چیزیں کرنے کیلئے فری لائسنس دیا گیا ہے۔
جیفری بائیکاٹ کا کہنا تھا کہ ہمارے پاس باصلاحیت کرکٹرز ہیں لیکن ان کی سکلز کو نہیں نکھارا گیا، تین عقل مند افراد بتاتے رہے ہیں کہ وہ جانتے ہیں کہ آسٹریلیا میں ایشز جیتنا کتنا اہم ہے۔
