کوئٹہ: (دنیا نیوز) کوئٹہ میں سریاب روڈ پر پولیس اہلکاروں کی مبینہ فائرنگ سے ایک نوجوان جاں بحق، دوسرا زخمی ہو گیا، پولیس نے مقدمہ درج کر کے اہلکاروں کو حراست میں لے لیا۔
پولیس کے مطابق سریاب روڈ پر ایگل اسکواڈ کے اہلکاروں نے ایک گاڑی کو رکنے کا اشارہ کیا، نہ رکنے پر مبینہ طور پر فائرنگ کر دی، فائرنگ سے دو نوجوان فیضان اور شہزاد زخمی ہو گئے جبکہ فیضان ہسپتال پہنچ کر دم توڑ گیا۔
واقعہ کی اطلاع ملنے پر مقتول کے ورثاء بڑی تعداد میں ہسپتال پہنچے اور پولیس کے خلاف احتجاج کیا، پولیس نے مقدمہ درج کر کے واقعے میں ملوث اہلکاروں کو حراست میں لےلیا ہے۔
