ایبٹ آباد: (دنیا نیوز) ایبٹ آباد میں محکمہ جنگلی حیات کی کارروائی کے دوران ایک کلو 350 گرام پینگولین کی کھالیں پکڑی گئیں، چار ملزمان کو گرفتار کر لیا ہے جو بیرون ملک پینگولین کی کھالیں سمگل کر رہے تھے۔
سمگل کی جانے والی پینگولین کی کھالوں کی قیمت کروڑوں روپے ہے۔ ملزمان بیرون ملک پینگولین کی کھالیں سمگل کرنے میں ناکام ہوئے جن کے قبضہ سے پینگولین، قیمتی موبائل اور گاڑی قبضہ میں لے لی گئی ۔
کارروائی ڈی ایف او سردار محمد نواز نے خفیہ اطلاعات پر کی، تفتیش کے لیے ملزمان کو کل عدالت میں پیش کر کے ریمانڈ حاصل کیا جائے گا، ان سے مزید اہم انکشافات متوقع ہیں۔
