کراچی: (دنیا نیوز) پاکستان رینجرز سندھ اور پولیس نے فرنٹیئر کالونی میں مشترکہ کارروائی کرتے ہوئے منشیات فروشی، ڈکیتی، راہزنی اور غیر قانونی اسلحہ رکھنے میں ملوث 2 ملزموں کو گرفتار کرلیا ۔
ترجمان رینجرز کے مطابق گرفتار ملزمان میں مصدق عرف مزمل عرف باچا اور ثناء اللہ عرف پہلوان عرف موٹا شامل ہیں ، ملزمان کے قبضے سے ایک پستول،1 موٹر سائیکل اور چھینے گئے موٹرسائیکلوں کے پرزے بھی برآمد ہوئے ہیں ۔
ترجمان کاکہنا ہے کہ ملزمان اورنگی، سائٹ ٹاؤن اور بلدیہ میں منظم ڈکیت گروہ چلا رہے تھے، ملزمان منشیات فروشی، سٹریٹ کرائمز کی متعدد وارداتوں میں ملوث ہیں ۔
ترجمان رینجرز کے مطابق ملزم مصدق اورنگی، سائٹ اور بلدیہ میں ڈکیتوں سے موبائل خریدتا ہے، ملزم موبائل کے آئی ایم ای آئی نمبر تبدیل کرتا،افغانستان فروخت کیلئے بھیجتا تھا ۔
ترجمان کاکہنا ہے کہ ملزم متعدد بارگرفتار ہوکر جیل جاچکا ہے ، ملزمان کیخلاف قانونی کارروائی کا آغاز کردیا گیا ہے ۔
