فیصل آباد:(دنیا نیوز) تھانہ پیپلزکالونی کے علاقے میں مبینہ پولیس مقابلہ میں خطرناک ڈاکو ہلاک ہو گیا۔
پولیس کا کہنا ہے کہ خطرناک ڈاکو کی شناخت عبدالقادر کے نام سےہوئی، چند روز قبل ملزم عبدالقادر نے ٹرانسپورٹرز کے ملازمین کو بھتہ نہ دینے پر فائرنگ کرکے مضروب بھی کیا تھا۔
پولیس کا مزید کہنا تھا کہ ملزم بھتہ خوری، ڈکیتی اور دیگر سنگین جرائم کے مقدمات میں مطلوب تھا، ہلاک ہونے والے ملزم کی لاش ہسپتال منتقل کردی گئی۔
