کراچی: (ویب ڈیسک) گھریلو جھگڑے پر بہنوئی نے اندھا دھند فائرنگ کرکے سالا مار دیا۔
قتل کا واقعہ موچکو کے علاقے مواچھ گوٹھ سپارکو روڈ کے قریب پیش آیا، پولیس حکام نے بتایا کہ مقتول کی شناخت 28 سالہ رفیق کے نام سے ہوئی ہے جسے اس کے چچا زاد بھائی اصغر جو کہ مقتول کا بہنوئی بھی ہے نے گھریلو جھگڑے کے دوران فائرنگ کر کے شدید زخمی کر دیا۔
زخمی رفیق کو فوری طور پر ہسپتال منتقل کیا جا رہا تھا کہ وہ زخموں کی تاب نہ لاتے ہوئے دم توڑ گیا جبکہ ملزم دیگر ساتھیوں کے ہمراہ موقع سے فرار ہوگیا جس کی تلاش جاری ہے۔
تاہم اس حوالے سے مقتول کے اہلخانہ سے مزید معلومات حاصل کی جا رہی ہیں۔
