لاہور: (دنیا نیوز) اغوا برائے تاوان کا ڈراپ سین، لاہور پولیس 12 گھنٹے میں اصل ملزمان تک پہنچ گئی۔
پولیس کو عبدالرحمان شہری کی جانب سے بیٹے کے اغوا کی درخواست موصول ہوئی، ڈی آئی جی آپریشنز فیصل کامران نے واقعہ کا نوٹس لیا، خصوصی ٹیم تشکیل دی۔
پولیس نے فوری مقدمہ درج کرکے ملزموں کی تلاش شروع کر دی، خصوصی ٹیم نے چند گھنٹوں میں ملزمان کو گرفتار کر لیا۔
ڈی آئی جی آپریشنز فیصل کامران کے مطابق شہری کے بیٹے نے خود کو اغوا کا ڈرامہ رچایا، دوست کے ساتھ مل کر گھر والوں سے 2 کروڑ کی رقم ہتھیانے کا منصوبہ بنایا گیا۔
انہوں نے بتایا کہ گھر والوں سے مغوی کی بازیابی کیلئے 2 کروڑ روپے کی ڈیمانڈ کی گئی، پولیس نے جدید ٹیکنالوجی کو بروئے کار لاتے ہوئے ملزمان کو گرفتار کیا۔
فیصل کامران نے بتایا کہ شہری کا بیٹا اور اس کے دوست کو گرفتار کر کے انویسٹی گیشن پولیس کے حوالے کر دیا گیا ہے۔
