لاہور: (دنیا نیوز) موٹروے پر تیز رفتاری پر پہلا مقدمہ درج ہو گیا، ڈرائیور کو گرفتار کر لیا گیا۔
ترجمان موٹروے پولیس کے مطابق تیز رفتاری کا واقعہ ملتان کے قریب موٹروے پر پیش آیا، موٹروے ایم-4 پر گاڑی 173 کلومیٹر فی گھنٹہ کی غیرقانونی رفتار پر جا رہی تھی۔
موٹر وے پولیس کے ترجمان کے مطابق تھانہ بدھلہ سنت ملتان میں مقدمہ غفلت اور تیز رفتار ڈرائیونگ کی دفعات کے تحت درج کیا گیا۔
ترجمان موٹروے پولیس کے مطابق ملزم ڈرائیور رحیم خان کو حراست میں لے کر مقامی پولیس کے حوالے کر دیا گیا، تیز رفتاری کے خلاف سخت اقدامات جاری رہیں گے۔
