کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں میں منشیات برآمد کر کے 3 ملزمان پکڑ لئے۔
ترجمان اے این ایف کے مطابق کارروائیاں لاہور، ماشخیل بارڈر، چمن، کراچی اور اسلام آباد میں کی گئیں۔
حکام کا کہنا ہے کہ 5 کارروائیوں کے دوران ملزمان سے 1138.11 کلو گرام منشیات برآمد کی گئی، پکڑی گئی منشیات میں 840 کلو گرام افیون، 213 کلو 900 گرام چرس، 84 کلو ہیروئن اور 30 ہیروئن بھرے کیپسولز شامل ہیں۔
ترجمان اے این ایف کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
