کراچی: (ویب ڈیسک) کراچی میں ایک اور نوجوان کو فائرنگ کرکے موت کی نیند سلا دیا گیا۔
واقعہ لانڈھی معین آباد کے علاقے میں پیش آیا، جاں بحق ہونے والے شخص کی شناخت 22 سالہ منصور ولد پیر محمد شاہ کے نام سے کرلی گئی، واقعہ کی اطلاع پر پولیس اور امدادی ٹیمیں موقع پر پہنچ گئیں، جاں بحق شخص کی لاش کو ہسپتال منتقل کر دیا گیا۔
پولیس حکام کے مطابق منصور کی ٹانگ پر گولی لگی زیادہ خون بہہ جانے کے باعث دم توڑ گیا، افسوسناک واقعہ ابتدائی طور پر جھگڑے کے دوران پیش آیا تاہم مزید تحقیقات کی جاری ہے۔
