کراچی: (دنیا نیوز) شہر قائد کے علاقے اورنگی ٹاؤن سے لاپتہ ہونے والی 65 سالہ خاتون کی لاش برآمد کر لی گئی۔
پولیس کے مطابق لاپتہ خاتون کی لاش جھاڑیوں سے برآمد کی گئی، خاتون رواں ماہ کی 4 تاریخ کو لاپتہ ہوئی تھی، جس پر لواحقین نے تھانہ اقبال مارکیٹ میں اغوا کا مقدمہ درج کروایا تھا۔
پولیس نے تحقیقات کے دوران ملزم عامر کو گرفتار کر لیا، ملزم کی نشاندہی پر خاتون کی لاش بھی برآمد کر لی گئی، ملزم نے ذاتی رنجش پر خاتون کو تشدد کر کے قتل کیا۔
