اسلام آباد: (دنیا نیوز) تھانہ کوہسار کی حدود مارگلہ پہاڑ میں تلہاڑ گاؤں کے قریب پولیس نے ڈاکوؤں کے ساتھ مبینہ مقابلے کے بعد 3 ملزمان کو گرفتار کر لیا۔
پولیس ذرائع کے مطابق پولیس مقابلے کے دوران تعاقب کرتے ہوئے 3 ملزمان شاہ زیب، زریان اور عباس کو گرفتار کیا، پولیس مقابلے میں ملزم عباس مبینہ طور پر ساتھیوں کی فائرنگ سے زخمی حالت میں گرفتار کیا گیا۔
پولیس نے مزید بتایا کہ ملزمان ڈکیتی اور راہزنی کی مختلف وارداتوں میں ملوث تھے، چند روز قبل اسی گینگ نے ایف سیون جیسے پوش ایریا میں راہزنی کی تھی، ملزمان سے شہریوں کے چھینے گئے موبائل فونز، نقدی اور اسلحہ برآمد کر لیا گیا۔
