کراچی: (ویب ڈیسک) اداکارہ نیلم منیرنے کہا ہے کہ وہ بھارت جا کر کام کرنے کی کبھی خواہشمند نہیں رہیں، پاکستانی ہونے پر فخر ہے۔
پاکستانی ڈراموں میں اداکاری کے جوہر دکھانے والی خوبرو اداکارہ نیلم منیر نے بھارت جا کر کام کرنے کے حوالے سے بیان دیتے ہوئے کہا ہے کہ مجھے اپنے ملک میں اور یہاں موجود اپنے مداحوں سے ہیمشہ بہت پیار ملا ہے لہٰذا مجھے کبھی بھی بھارت جا کر کام کرنے کی خواہش نہیں ہوئی۔
نیلم منیر نے کہا میں پاکستان پیدا ہوئی ہوں اورہمیشہ یہیں رہنا چاہتی ہوں کہیں اور جانے کا سوچ بھی نہیں سکتی۔ نیلم منیر نے بھارت جاکر کام کرنے والے پاکستانی فنکاروں کے حوالے سے کہا کہ جو فنکار بھارت گئے وہ ہماری انڈسٹری کا بہت بڑا نام ہیں۔
واضح رہے کہ پاکستان اور بھارت میں کشیدگی کے بعد بھارتی فلم انڈسٹری کی بڑی شخصیات نے بھی پاکستان مخالف بیان دے کر امن کوششوں کو دھچکا پہنچایا ہے۔
