لاس اینجلس: (روزنامہ دنیا) فلم ‘‘جان وِک چیپٹر 3’’ نے ریلیز کے پہلے ہی ہفتے امریکی باکس آفس پر پہلی پوزیشن حاصل کر لی۔ مذکورہ فلم نے "دی اوینجرز اینڈ گیم" کو پچھاڑ کر 3 ارب 95 کروڑ روپے کما لئے۔
میڈیا رپورٹ کے مطابق فلم ‘‘جان وِک۔چیپٹر 3’’ نے امریکی باکس آفس پر قبضہ جما لیا ہے، اس کی سٹوری جاندار اور عکسبندی جدید ٹیکنالوجی کی مدد سے کی گئی ہے۔ سال 2015 کی مشہور ایکشن فلم ‘‘جان وِک’’ کا یہ تیسرا حصہ ہے اور اس کی ہدایت کاری چیڈ اسٹیلسکی نے دی ہے۔
فلم کے اس حصے کی کہانی ایک ماہر نشانہ باز کے گِرد گھوم رہی ہے جو ایک ہائی پروفائل مرڈر کرنے کے بعد اپنی جان بچانے کیلئے بھاگ دوڑ کے دوران تمام چیلنجز کا بہادری سے اکیلے مقابلہ کرتا ہے۔
