لندن: (دنیا نیوز) لندن میں ہالی وڈ کی اینی میٹڈ فلم "فروزن ٹو" کارنگا رنگ پریمیئر ہوا، فلمی کرداروں نے ریمپ پر جلوے دکھائے، مووی 22 نومبر کو ریلیز ہو گی۔
لندن میں اینیمیٹڈ فلم فروزن ٹو کا پریمئیر ہوا، آواز کا جادو جگانے والے کرداروں نےتقریب کی رونق بڑھائی۔ فروزن ٹو برفانی جزیرے میں رہنے والی شہزادی کی ہے جو اپنی ریاست کو بچانے کے لیے جادوئی طاقتوں کی تلاش میں نکلتی ہے۔ فلم بائیس نومبر کو نمائش کے لیے پیش کی جائے گی۔ فروزن ٹو کی ہدایتکاری کے فرائض جینیفر لی اور کرس بک نے نبھائے ہیں۔
فروزن کی پہلی فلم 2013 میں ریلیز کی گئی تھی جس میں 2 بہنوں کی محبت کی کہانی پیش کی گئی تھی، جادوئی طاقت کی حامل ایلسا گھر سے دور چلی جاتی ہے جبکہ دوسری بہن اینا کی اُسے واپس گھر لانے کی جدوجہد دکھائی گئی ہے۔
